Siddaramaiah Resigns:ರಾಜಕೀಯದ ಪುಣ್ಯಕೋಟಿ ಸಿದ್ದರಾಮಯ್ಯ: ಹೈಕಮಾಂಡ್‌ಗೆ ಕೊಟ್ಟ ಮಾತು ಉಳಿಸಿಕೊಂಡು ಸಿಎಂ ಗದ್ದುಗೆ ತ್ಯಜಿಸಿದ ಸಿದ್ದು?

ಕರ್ನಾಟಕ ರಾಜಕೀಯದ ಇತಿಹಾಸದಲ್ಲಿ ಸಿದ್ದರಾಮಯ್ಯ ಎನ್ನುವ ಹೆಸರು ಸದಾ ಸಂಚಲನ. ಅಹಿಂದ ನಾಯಕನಾಗಿ, ಎರಡು ಬಾರಿ ಪೂರ್ಣಾವಧಿ ಮುಖ್ಯಮಂತ್ರಿಯಾಗಿ ಇತಿಹಾಸ ಬರೆದ ಸಿದ್ದರಾಮಯ್ಯ ಇದೀಗ ಮತ್ತೊಮ್ಮೆ ರಾಜ್ಯ ರಾಜಕಾರಣದ ಧ್ರುವತಾರೆಯಾಗಿ ನಿಂತಿದ್ದಾರೆ. ಆದರೆ ಈ ಬಾರಿ ಅವರು ಸುದ್ದಿಯಲ್ಲಿರುವುದು ಅಧಿಕಾರ ಹಿಡಿದದ್ದಕ್ಕಲ್ಲ, ಬದಲಿಗೆ ಹೈಕಮಾಂಡ್‌ಗೆ ಕೊಟ್ಟ ಮಾತಿನಂತೆ ಮುಖ್ಯಮಂತ್ರಿ ಗದ್ದುಗೆಯನ್ನು ತ್ಯಜಿಸಲು ಮುಂದಾಗಿದ್ದಾರೆ ಎಂಬ ರಾಜಕೀಯ ಚರ್ಚೆಗಳಿಗಾಗಿ! ರಾಜಕೀಯದಲ್ಲಿ ‘ಮಾತು ತಪ್ಪದ ಮಗ’ನಾಗಿ ಸಿದ್ದರಾಮಯ್ಯ ಅವರು ನಿಜಕ್ಕೂ ‘ರಾಜಕೀಯದ ಪುಣ್ಯಕೋಟಿ’ ಎನಿಸಿಕೊಂಡರಾ? ಇಲ್ಲಿದೆ ಒಂದು ವಿಶ್ಲೇಷಣೆ.

Siddaramaiah Resigns:ಹೈಕಮಾಂಡ್ ಸಮ್ಮುಖದಲ್ಲಿ ನಡೆದಿದ್ದ ಆ ‘ರಹಸ್ಯ ಒಪ್ಪಂದ’ವೇನು?

ಕಳೆದ ವಿಧಾನಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್ ಭರ್ಜರಿ ಬಹುಮತ ಗಳಿಸಿದಾಗ ಮುಖ್ಯಮಂತ್ರಿ ಸ್ಥಾನಕ್ಕಾಗಿ ಸಿದ್ದರಾಮಯ್ಯ ಮತ್ತು ಡಿ.ಕೆ. ಶಿವಕುಮಾರ್ ನಡುವೆ ತೀವ್ರ ಪೈಪೋಟಿ ನಡೆದಿತ್ತು. ಆಗ ದೆಹಲಿ ಹೈಕಮಾಂಡ್ ನಾಯಕರ ಸಮ್ಮುಖದಲ್ಲಿ ‘ಅಧಿಕಾರ ಹಂಚಿಕೆ’ (Power Sharing Formula) ಸೂತ್ರ ಸಿದ್ಧವಾಗಿತ್ತು ಎಂಬ ಮಾತುಗಳು ರಾಜಕೀಯ ವಲಯದಲ್ಲಿ ದಟ್ಟವಾಗಿ ಕೇಳಿಬಂದಿದ್ದವು.

ಮೊದಲ ಅರ್ಧಾವಧಿಗೆ ಸಿದ್ದರಾಮಯ್ಯ ಹಾಗೂ ಇನ್ನುಳಿದ ಅವಧಿಗೆ ಡಿ.ಕೆ. ಶಿವಕುಮಾರ್ ಸಿಎಂ ಆಗಲಿದ್ದಾರೆ ಎಂಬ ಚರ್ಚೆ ಇಡೀ ರಾಜ್ಯಾದ್ಯಂತ ಸದ್ದು ಮಾಡಿತ್ತು. ಈಗ ಆ ನಿಗದಿತ ಅವಧಿ ಮುಗಿಯುತ್ತಾ ಬಂದ ಹಿನ್ನೆಲೆಯಲ್ಲಿ, ಸಿದ್ದರಾಮಯ್ಯ ಅವರು ಹೈಕಮಾಂಡ್‌ಗೆ ಕೊಟ್ಟ ಮಾತಿಗೆ ಕಟ್ಟುಬಿದ್ದು ದೊಡ್ಡತನ ಪ್ರದರ್ಶಿಸಲಿದ್ದಾರೆಯೇ ಎಂಬ ಕುತೂಹಲ ಸೃಷ್ಟಿಯಾಗಿದೆ.

Siddaramaiah Resigns:ರಾಜಕೀಯದ ‘ಪುಣ್ಯಕೋಟಿ’ಯಾದರೇ ಸಿದ್ದರಾಮಯ್ಯ?

ರಾಜಕಾರಣದಲ್ಲಿ ಕೊಟ್ಟ ಮಾತು ಉಳಿಸಿಕೊಳ್ಳುವುದು, ಅಧಿಕಾರವನ್ನು ಸ್ವಯಂಪ್ರೇರಿತರಾಗಿ ಬಿಟ್ಟುಕೊಡುವುದು ತೀರಾ ಅಪರೂಪ. ಅಧಿಕಾರದ ಕುರ್ಚಿಗಾಗಿ ಹಠ ಹಿಡಿಯುವ ನಾಯಕರ ಮಧ್ಯೆ, ಸಿದ್ದರಾಮಯ್ಯ ಅವರು ಹೈಕಮಾಂಡ್ ಹಾಗೂ ತಮ್ಮದೇ ಪಕ್ಷದ ಸಹೋದ್ಯೋಗಿಗೆ ಕೊಟ್ಟ ಭರವಸೆಯನ್ನು ಈಡೇರಿಸಲು ಮುಂದಾದರೆ, ಅದು ಕನ್ನಡದ ಪ್ರಸಿದ್ಧ ‘ಪುಣ್ಯಕೋಟಿ’ ಹಸುವಿನ ಕಥೆಯನ್ನು ನೆನಪಿಸುತ್ತದೆ. ಕೊಟ್ಟ ಮಾತಿನಂತೆ ಹುಲಿಯ ಮುಂದೆ ಬಂದ ನಿಂತ ಪುಣ್ಯಕೋಟಿಯಂತೆ, ಸಿದ್ದರಾಮಯ್ಯ ಕೂಡ ಸಿದ್ದಾಂತ ಮತ್ತು ನೈತಿಕತೆಗೆ ಬೆಲೆ ನೀಡಲಿದ್ದಾರೆ ಎಂಬ ಚರ್ಚೆ ಬಲವಾಗಿದೆ.

Siddaramaiah Resigns:ಮುಂದಿನ ರಾಜಕೀಯ ನಡೆ ಏನು? ಕರುನಾಡ ಗದ್ದುಗೆ ಯಾರಿಗೆ?

ಒಂದು ವೇಳೆ ಸಿದ್ದರಾಮಯ್ಯ ಅವರು ಸಿಎಂ ಸ್ಥಾನಕ್ಕೆ ರಾಜೀನಾಮೆ ನೀಡಿದರೆ ಅಥವಾ ಗದ್ದುಗೆ ತ್ಯಜಿಸಿದರೆ, ಮುಂದಿನ ಮುಖ್ಯಮಂತ್ರಿ ಯಾರು ಎಂಬ ಪ್ರಶ್ನೆಗೆ ಸದ್ಯಕ್ಕೆ ಕೇಳಿಬರುತ್ತಿರುವ ಏಕೈಕ ಹೆಸರು ಕೆಪಿಸಿಸಿ ಅಧ್ಯಕ್ಷ ಹಾಗೂ ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್. ಪಕ್ಷವನ್ನು ತಳಮಟ್ಟದಿಂದ ಸಂಘಟಿಸಿ, ಅಧಿಕಾರಕ್ಕೆ ತರಲು ಶ್ರಮಿಸಿದ ‘ಟ್ರಬಲ್ ಶೂಟರ್’ ಡಿಕೆಶಿಗೆ ಸಿಎಂ ಪಟ್ಟ ಸಿಗಲಿದೆಯೇ? ಹೈಕಮಾಂಡ್ ಈ ಹಸ್ತಾಂತರ ಪ್ರಕ್ರಿಯೆಯನ್ನು ಹೇಗೆ ನಿಭಾಯಿಸಲಿದೆ ಎಂಬುದು ಸದ್ಯದ ಕುತೂಹಲ.

Siddaramaiah Resigns:ಸಿದ್ದು ರಾಜಕಾರಣದ ನವ ಇತಿಹಾಸ

ಸಿದ್ದರಾಮಯ್ಯ ಅವರು ಗದ್ದುಗೆ ತ್ಯಜಿಸಿದರೂ, ಬಿಡದಿದ್ದರೂ ಕರ್ನಾಟಕ ರಾಜಕಾರಣದಲ್ಲಿ ಅವರ ಸ್ಥಾನ ಭದ್ರ. ಆದರೆ ಕೊಟ್ಟ ಮಾತಿನಂತೆ ನಡೆದುಕೊಂಡರೆ ಅವರ ರಾಜಕೀಯ ತೂಕ ಮತ್ತು ಗೌರವ ಹೈಕಮಾಂಡ್ ಹಾಗೂ ರಾಜ್ಯದ ಜನತೆಯ ಕಣ್ಣಿನಲ್ಲಿ ಇನ್ನು ನೂರರಷ್ಟು ಹೆಚ್ಚಾಗುವುದರಲ್ಲಿ ಸಂಶಯವಿಲ್ಲ. ರಾಜಕೀಯ ಲಾಭ-ನಷ್ಟಗಳ ಏನೇ ಇದ್ದರೂ, ‘ಕೊಟ್ಟ ಮಾತು’ ರಾಜಕಾರಣದ ಹೊಸ ದಿಕ್ಸೂಚಿಯಾಗಲಿದೆಯೇ ಎಂಬುದನ್ನು ಕಾದು ನೋಡಬೇಕಿದೆ.